لا أحد يتعلم ببلاش

كارثة اول يوم عمل .. اول يوم عمل ليا فى شركة كنت اعمل فيها في 2014 فى اسكندرية كانوا شغالين على ملفات اكسيل على الجوجل دريف ولسه بفتح ملف اهم مندوب فى الشركة والاكثر مبيعات واذ صابعي ينزلق من زر الانتر اللى حيفتح الملف لزر الحذف (Delete) فاضغط دون قصد على الحذف ثم الانتر فى لحظة واذا بالملف يختفى من على الجوجل دريف وبدات اشعر ببرودة فى جسمي غير طبيعية طب اكمل اسبوع طب مش كدة .. ودخل عليا صاحب الشركة على المنظر دة يقولى مالك يا استاذ احمد انت تعبان قولتله لا الحمدلله كويس وانا مش كويس خالص .. المهم حاولت بشتى الطرق انى ارجع الملف ولكن كل المحاولات فشلت وصل الامر انى اتصل بجوجل الامارات مفيش فايده كان يوم صعب جدا اخبرت مديري بالمشكلة واذ يعطينى ملف مكتظ بالاوراق وقالي يلا يا شاطر دخل الملف دة من الاول يدويا قولت الحمدلله انها جت على كدة انا كنت متخيل حتروحوني وتاني يوم لاقيت احد العاملين معانا داخل علينا فرحان وفى ايده فلاشة وبفضل الله طلع واخد نسخة من الجوجل درف عنده فى البيت والجهاز كان مقفل وقت حذف الملف فصل الانترنت وحط الملف على الفلاشة وجابه .. موقف قد يظهر بسيط بس علمنى اد ايه لازم اكون حريص فى التعامل على الملفات المهمة ولازم اعمل منها باك اب لكل 15 يوم فعندى فى رسائل التذكير كل يوم 1 فى الشهر و 15 تذكير اخد باك اب لاي ملف مهم يخصني او يخص العمل .. محدش بيتعلم ببلاش