قبل امس انتهى معرض التجارة الالكترونية وما كان عندي نية لكتابة اى شئ عنه مرة اخرى لكن صراحة اللى شوفته هناك حمسنى انى اكتب اللى شوفته علشان لو فى حاجة زي كدة فيما بعد الناس تتحمس تزورها .. اول ما دخلت لاقيت ادامي شركات برمجة تعملك المتجر او شركات تاخد متجر جاهز
قبل امس انتهى معرض التجارة الالكترونية وما كان عندي نية لكتابة اى شئ عنه مرة اخرى لكن صراحة اللى شوفته هناك حمسنى انى اكتب اللى شوفته علشان لو فى حاجة زي كدة فيما بعد الناس تتحمس تزورها .. اول ما دخلت لاقيت ادامي شركات برمجة تعملك المتجر او شركات تاخد متجر جاهز منها وبعدين شركات الشحن واسعار متنوعة وكمان عندهم مخازن تحط بضاعتك عندهم علشان سرعة الشحن .. وشركات بقى تانية تديرلك عملية الشحن والتعامل مع شركات الشحن والمخزنك كمان ودى كانت اول مرة اشوف شركات تعمل كدة علشان تسهلك عمليه ادارة عملية الشحن كدة انت عملت متجر مع اي شركة او اخدته جاهزة ولاقيت الشركة اللى حتشحنلك نيجي بقى لورش العمل اللى صراحة كانت فى غاية الروعة تقريبا تناولوا كل جوانب شغل التجارة الالكترونية يعنى كمان حتتعلم وتاخد خبره من ناس اساتذة فى المجال فعلا بدون مبالغة تدخل المكان دة وانت لا تفقه اى شئ فى التجارة الالكترونيه تخرج معاك متجر ومتعلم ادارة المتجر بكافة اجرائته .. ياراجل دة في محاضرة اسمها كيف تنشئ متجر من الصفر ومحاضرة لضرائب المتاجر الالكترونية والاجراءات القانونية بصراحة كان معرض مميز واخر حاجة بقى لاقيت شركة اسمها "جنا جيت" دى بقى شركة بتعملك متجر من الصفر وتعملك دعاية كمان ومش حتدفع ولا هلله كل الموضوع حيخدوا نسبة لما تكسب فى صورة فيها بنر الشركة لو حد عايز يتواصل معاهم تخيل الموضوع وصل لاية حتى مشكلة راس المال اتحل منها جزء كبير كل اللى عليك تحدد المنتج بتاعك بس وتتوكل على الله
